400 udaltzain baino gehiagok osatzen dute Iruñeko Udalatzaingoaren plantilla. 2001. urtean, 354 kidek osatzen zuten polizia-gorputz hau, eta 10 urte geroago 443 kide dira bertan, hau da, % 25 gehiago (89 pertsona).

Hona plantillaren sailkapena 2010eko datuak kontuan harturik:

• Sexuaren arabera: Plantillaren % 87"8 gizonak dira, eta % 12"2, emakumeak; 2001ean, emakumeak % 8"8 ziren Udaltzaingoaren plantillan.
• Adinaren arabera: Plantillaren % 9"8k 30 urte edo gutxiago ditu, eta plantillaren % 17"1 50 urtetik gorakoa da.
• Lanpostuaren arabera: Plantillako kideen % 79"5 udaltzain dira; 2001ean, kopuru hori % 83"1 zen.
• Lan-arloen arabera: Plantillaren % 42"1 Herritarren Segurtasunaren arlokoa da, eta % 15"9 Zirkulazioaren arlokoa. 2001ean, plantillaren % 38"7 orduan Herritarren Segurtasuneko Atalean izenarekin ezagutzen zen arloan zegoen (horrek esan nahi du arlo horretan orain 31 udaltzain gehiago dagoela).

Iruñeko Udaltzaingoaren plantilla osatzen duten 400 udaltzain baino gehiago horiek denetariko materialez eta ekipamenduez hornituta daude, eta horrek errazagoa eta eraginkorragoa bilakatzen ditu haien eguneroko zereginak.

Iruñeko Udaltzaingoaren flota 55 ibilgailuk osatzen dute: 17 motozikleta (horietako 2, elektriko), 9 auto (2, elektriko), 26 monobolumen, 8 furgoi eta lur orotako ibilgailu bat.

55 ibilgailu horietatik 38 Iruñeko Udalarenak dira, 7, Trafikoko Zuzendaritza Nagusiak lagatakoak eta 12, renting bidez eskuratuak.